top of page
Alvin Li Gallery
成長期
2023年22歲
好快又到咗2023年，
明天會更好呀！
滙豐香港社區夥伴計劃環保系列《綠•藝》線上虛擬展覽，我第一次畫香港懷舊作品。
嘩！八達通手機App咭面設計，我都有份畫呀！
香港迪士尼樂園邀請我哋入園，仲特別安排咗一個寧靜位置俾我哋睇煙花，我又成功同米 奇影咗相。我畫咗幅畫，送俾迪士尼樂園，多謝佢哋。
今年杭州亞運會，香港代表隊邀請展能藝術家畫咗十幾幅畫，作為聯誼禮物，其中送俾中華台北、蒙古同沙特阿拉伯嗰三幅係我畫㗎。
多謝Lovexpress又安排咗我啲畫喺The One商場展出，大家都讚我啲畫好靚，好特別，叫我加油。
又到咗一年一度嘅Fine Art Asia，今年我有兩幅畫展出，仲好快賣出咗，真係好開心！
香港展能藝術會今年嘅「以藝夢飛翔」慈善獎券，啲插圖都係我畫㗎，希望大家繼續支持香港展能藝術發展。
多謝香港汽車修理同業商會邀請我為佢哋60週年紀念珍藏冊畫封面，呢幅「整到七彩」仲會喺尖沙咀文化中心展出。
多謝FASE用咗我嘅作品做手機殼。
2023年月曆封面
2023年1月月曆
2023年2月月曆
2023年3月月曆
2023年4月月曆
2023年5月月曆
2023年6月月曆
2023年7月月曆
2023年8月月曆
2023年9月月曆
2023年10月月曆
2023年11月月曆
2023年12月月曆
2024年23歲
大家好，我係一個
開開心心嘅年青人!
我大個仔喇！第一次參加藝無疆視覺藝術比賽公開組，好開心可以攞到"最具創意獎"。
媽咪話係一個新挑戰，不過我都係好似平時咁輕輕鬆鬆畫畫。
媽咪仲上咗電台做訪問，分享呢幅"四餸一湯"嘅有趣故事。
我就自己好正經去分享我嘅得獎感言。
多謝Olga姐姐邀請我參加中央圖畫館"心路同行藝術展"，令我可以同16位著名本地藝術家，100多位繪畫愛好者，仲有20多位展能藝術家同場參展。 我參 展嘅作品就係呢六幅畫，好多謝大家讚賞。
好快又到咗 Fine Art Asia，大家都話我好大個仔！
多謝香港展能藝術會，安排咗《子舜日常》個人展覽，好多人讚我啲小插畫同我啲字好可愛，真係好開心呀！
2024年月曆封面
2024年1月月曆
2024年2月月曆
2024年3月月曆
2024年4月月曆
2024年5月月曆
2024年6月月曆
2024年7月月曆
2024年8月月曆
2024年9月月曆
2024年10月月曆
2024年11月月曆
2024年12月月曆
2025年24歲
我係一條蛇仔，
今年24歲！
今年我多咗一本座枱月曆。多謝AXA安盛，用咗我嘅畫印製月曆，真係好靚好有愛心，令更多人支持自閉症人士。
2025年又有個人展覽，多謝LoveXpress 將我啲畫展示喺秀樺廚房，大家都睇得好開心。仲有，餐廳menu都用咗我嘅字同插畫。
多謝坪洲聖家學校何校長邀請我畫一幅「共融」主題嘅作品，仲用嚟做咗postcard，送俾學校60周年開放日到場嘅嘉賓。
勞工及福利局與香港展能藝術會合辦「多元共融藝術巡禮」，我嘅作品都有入圍，第一次喺戲曲中心出席展覽活動，真係好興奮！
今年母親節，Madame Figaro Hong Kong 同 De Beers 做咗個活動，仲訪問咗媽咪，我都為呢次活動畫咗幅新作品！
訪談展能藝術家李子舜媽咪Anita Ng：
憑愛與勇氣引導愛兒尋覓自己的道路
Wellness | Madame Figaro Hong Kong
請按此收聽
多謝Keenable Creation嘅邀請，我第一次參加喺灣仔會議展覽中心舉辦嘅Affordable Art Fair，好熱鬧呀！我幅熊貓畫「 家姐細佬」都賣出咗喇！
Champion REIT 聯同 LoveXpress 喺中環花園道冠君大廈大堂，安排咗一個小型展覽，介紹我嘅畫作。呢幅「路牌」都義賣咗喇，多謝大家！
嘩！我啲畫用嚟製成咗一個系列嘅全運會特許商品呀。呢個項目係由Natpak同 LoveXpress合作，收益用嚟捐助星兒藝術項目，幫助SEN小朋友舉辦免費藝術啟蒙班。
仲有，啲商品係用「重塑」膠樽製成，好環保㗎！
我嘅畫今次用咗嚟製作短片呀！為咗呢個中秋節項目，我真係好努力，畫咗好多幅插畫㗎。
多謝恒生銀行，仲要多謝好多哥哥姐姐幫我將啲插畫製成咁可愛嘅video同stickers!
今年係我連續第七年參加Fine Art Asia，多謝藝全人嘅安排，多謝大家，我會繼續努力！
好開心呀！我攞咗勞工及福利局舉辦嘅「愛心僱主」獎章設計比賽殘疾人士組冠軍，可以去香港故宮文化博物館參加頒獎典禮！
2025年月曆封面
2025年1月月曆
2025年2月月曆
2025年3月月曆
2025年4月月曆
2025年5月月曆
2025年6月月曆
2025年7月月曆
2025年8月月曆
2025年9月月曆
2025年10月月曆
2025年11月月曆
2025年12月月曆
bottom of page